સંયોજકના નાં શબ્દોમાં:

શૌર્યધામ ફાગવેલ માત્ર એક સ્થાન નથી, પરંતુ એક વિચાર છે – એક સંકલ્પ છે, જે શૌર્ય, સંસ્કાર અને સંસ્કૃતિનું જીવનત મણિકુંજ છે.

આ પવિત્ર ધામ રાષ્ટ્રભક્તિના અવલોકન માટે નિર્મિત કરવામાં આવ્યું છે, જ્યાં શહીદોના બલિદાનની ગાથાઓ ગુંજાય છે, વીર ભાથીજી મહારાજના શૌર્યની છાંયા છે અને દેશસેવાના સંકલ્પોથી હ્રદયો ધબકે છે.

અહીં, શિક્ષણ અને શૌર્યનું અનોખું મિલન જોવા મળે છે. યુવા પેઢી માત્ર શૈક્ષણિક રીતે નહીં, પરંતુ વ્યક્તિત્વ વિકાસ, સંસ્કાર અને રાષ્ટ્રહિતની ભાવનાથી પ્રેરિત થાય, તેવા અનેક ઉપક્રમોનું આયોજન અહીં થાય છે. GPSC, UPSC જેવી સ્પર્ધાત્મક પરીક્ષાઓ માટે તાલીમ કેન્દ્ર, વ્યસનમુક્તિ અભિયાન, ગૌશાળા, આયુર્વેદ અને યોગ કેન્દ્ર – આ બધું માનવીના સર્વાંગી વિકાસ માટે એક પવિત્ર યજ્ઞ છે.

અમે અહીં સપનાને સાકાર કરવા, રાષ્ટ્રની સેવા માટે મજબૂત યુવાનો ઘડવા અને ભવિષ્યની પેઢીને પ્રેરિત કરવા માટે અડગ છીએ. શૌર્યધામ ફાગવેલ માત્ર સ્મારક નહીં, પણ શૌર્ય અને સંસ્કારનું ઉન્નત તીર્થ છે!